Այն, որ Հակոբ Հակոբյանը ցանկացել է ֆիլմ նկարահանել Ցեղասպանության մասին, դրական երևույթ է. թուրքագետ

Այն, որ Հակոբ Հակոբյանը ցանկացել է ֆիլմ նկարահանել Ցեղասպանության մասին, կարծում եմ` դրական երևույթ է. yerkir.am-ի հետ զրույցում կարծիք հայտնեց թուրքագետ Ռուբեն Մելքոնյանը` խոսելով Հակոբ Հակոբյանի «Հիշողություն» ֆիլմի մասին:

Նա ասաց, որ ֆիլմը չի դիտել, բայց թրեյլերը և այն հատվածները, որոնք կան ինտերնետում, դիտելն էլ բավարար է եղել որոշ թերություններ նկատելու համար: «Մի քանի սխալներ կային` թուրքագիտական, պատմագիտական առումով: Օրինակ` Արևմտյան Հայաստանում խոսում են արևմտահայերեն, ոչ թե արևելահայերեն: Ամեն դեպքում կարծում եմ, որ յուրաքանչյուր ոլորտով պետք է զբաղվեն ոլորտի մասնագետները: Սևակը մի լավ խոսք ունի` «Լավ է լինել հմուտ դարբին, քան ոսկերիչ»: Եթե Հակոբյանի մոտ ցանկություն կար ֆիլմ նկարահանելու` պետք էր գտնել ավելի պրոֆեսիոնալ թիմ, որոնք գուցե շատ հարցերում կօգնեին նրան»,- ասաց Մելքոնյանը:

Ըստ նրա` թեմայի ներկայացման մեթոդը ճիշտ չի ընտրվել, ավելի ճիշտ կլիներ, որ այն ֆինանսական և նյութական ռեսուրսները, որոնք ծախսվել էին, ներդնեին պրոֆեսիոնալ թիմի մեջ: