Այդ Մեդվեդևն էր իր այցը կապել իմ հացադուլի հետ. Պարույր Հայրիկյան

Նախագահի նստավայրի առջեւ հացադուլ անցկացնելու մասին ԱԻՄ նախագահ Պարույր Հայրիկյանը հայտարարել էր դեռեւս օգոստոսի 19-ին: Այդ ժամանակ, համաձայն ՀՀ վարչապետ Հովիկ Աբրահամյանի հնչեցրած հայտարարության, սեպտեմբերի 8-9-ը Հայաստան պետք է գար Ռուսաստանի վարչապետ Դմիտրի Մեդվեդևը` քննարկելու ԵՏՄ-ին Հայաստանի անդամակցության գործընթացը:

Yerkir.am-ի հարցին` կշարունակի՞, արդյոք, իր հացադուլը, երբ պարզ է, որ Դմիտրի Մեդվեդևի այցը Հայաստան չի կայանա, Պարույր Հայրիկյանը պատասխանեց. «Մեդվեդևը կապ չունի դրա հետ: Եես Մեդվեդևի հետ չեմ կապել հացադուլը, այդ Մեդվեդևն էր իր այցը կապել իմ հացադուլի հետ»:

Հայրիկյանը Սերժ Սարգսյանի նստավայրի առջեւ սեպտեմբերի 8-ին անժամկետ հացադուլ է սկսելու` «սթափեցնելու համար օրվա իշխանություններին` իրավիճակը ճիշտ գնահատելու եւ ճիշտ քայլեր կատարելու հորդորով»: