Միանալ Մաքսային միությանը` նշանակում է հրաժարվել անկախությունից. Պարույր Հայրիկյան

Իշխանությունը ներկայացնող բազմաթիվ պաշտոնյաներ խոսել են եվրոպական կողմնորոշման ցանկալիության մասին, և եթե նրանց համար իրարամերժությունը օրինաչափ արարք չէ, ապա նրանք հրաժարական պիտի տան. այսօր լրագրողների հետ հանդիպման ժամանակ հայտարարեց ԱԻՄ առաջնորդ Պարույր Հայրիկյանը:

Ըստ նրա` Սերժ Սարգսյանի այդ անսպասելի որոշումը եղել է Ռուսաստանի կողմից գործադրված սպառնալիքների և ճնշումների հետևանքով, այլապես, ըստ Հայրիկյանի, այդ որոշումը պիտի ընդունվեր` հասարակական կարծիքը հաշվի առնելով:

Հայրիկյանի խոսքով` Ռուսաստանի տարբեր բարձրաստիճան պաշտոնյաներ իրենց տարբեր ելույթներում բարձր են գնահատել Խորհրդային միությունը` ցանկություն հայտնելով վերականգնել այն, և Մաքսային միությանը միանլու որոշումը նշանակում է հավատարիմ չմնալ 1991 թվականի Անկախության հանրաքվեին: