Արտառոց ոչինչ չկա ադրբեջանական կայքերին հարցազրույց տալու մեջ. Պարույր Հայրիկյան

Պարույր Հայրիկյանը հարցազրույց է տվել ադրբեջանական Vesti.az կայքին, որում խոսել է Հայաստանի` Մաքսային միություն մտնելու որոշման, ինչպես նաև հայ-ադրբեջանական հարաբերությունների մասին:

Այսօր Yerkir.am-ի հետ զրույցում Հայրիկյանն ասաց, որ ադրբեջանական կայքերին հարցազրույց տալու մեջ ինքը ոչ մի արտասովոր բան չի տեսնում, և որ դա առաջին դեպքը չէ` ինքը բազմիցս հարցազրույց է տվել ադրբեջանական կայքերին: Հարցին, թե մտավախություն չունի՞, որ իր խոսքը կարող են խեղաթյուրել, Հայրիկյանը պատասխանեց, որ նույն հաջողությամբ իր խոսքը խեղաթյուրում են հայ լրագրողները: «Սակայն այս դեպքում ես մտավախություն չունեմ, քանի որ ունեմ հնարավորություն խեղաթյուրված խոսքս ուղղելու»,-ասաց Հայրիկյանը: