Աստված մեզ և մեր ժողովրդին քեզ նմանների ձեռքը չգցի, բավական է. Դեմիրթաշը՝ Էրդողանին

Թուրքիայում քրդամետ Ժողովուրդների դեմոկրատական կուսակցության նախագահ Սելահաթթին Դեմիրթաշը ելույթի ընթացքում քննադատել է նախագահ Ռեջեփ Թայիփ Էրդողանին, ով օրեր առաջ հայտարարել էր, թե «քրդական հարց չկա». տեղեկացնում է Haberturk-ը:

Դեմիրթաշը, մեջբերելով Էրդողանի խոսքը, թե՝ «քրդերն էլ ի՞նչ են ուզում», խոսքն ուղղել է նրան. «Մենք քեզնից ոչինչ չենք ուզում: Աստված մեզ և մեր ժողովրդին քեզ նմանների ձեռքը չգցի, բավական է: Այնպես է ասում՝ «էլ ի՞նչ տանք», ասես ինքը սուլթան է, շահ, մեզ էլ բարեգործություն է անում: Դու ո՞վ ես, որ մեզ ինչ-որ բան տաս: Մենք քեզնից ինչ-որ բան ակնկալե՞լ ենք: Մեր մայրենի լեզուն ծնված օրվանից մեզ տրված իրավունք է: Ոչինչ չի մնացել, որ մենք այս երկրի նախագահից պահանջենք: Քո «քրդական հարցը» կարող է ավարտված լինել, քանի որ քո «քուրդ» հասկացությունը Մեհմեդ Մեքիներն է»: