Երկամյա Լիա Միսակյանի մահվան գործով դատական նիստը հետաձգվեց

Երկամյա Լիա Միսակյանի մահվան առթիվ հարուցված քրեական գործով դատավարությունը շարունակվում է Արաբկիր և Քանաքեռ, Զեյթուն վարչական շրջանների ընդհանուր իրավասության դատարանում՝ դատավոր Լևոն Ավետիսյանի նախագահությամբ։ Ներկայումս շարունակվում է փորձագետների հարցաքննությունը։

Այսօրվա դատական նիստը սակայն հետաձգվեց՝ ամբաստանյալներից Լիլիթ Վարդանյանի պաշտպան Գիվի Հովհաննիսյանի բացակակության պատճառով։ Մյուս ամբաստանյալի պաշտպան Երեմ Սարգսյանը դատարանին հայտնեց, որ Գ. Հովհաննիսյանի հորաքույրն է մահացել և հուղարկավորությանը ներկա լինելու համար նա մեկնել է Տավուշի մարզ։Դատական հաջորդ նիստը նշանակվեց սեպտեմբերի ութին։

Հիշեցնենք, որ ամբաստանյալի աթոռին են «Արաբկիր» ԲՀ մանկաբույժներ Զարինե Այվազյանը և Լիլիթ Վարդանյան այն բանի համար, որ մասնագիտական պարտականությունները ոչ պատշաճ կատարելու հետևանքով երեխան մահացել է: