Երկամյա երեխայի մահվան գործով նիստը հետաձգվեց

Երկամյա Լիա Միսակյանի մահվան գործով այսօրվա դատական նիստը հետաձգվեց մի քանի ժամով` ամբաստանյալի պաշտպանի միջնորդությամբ:

Արաբկիր եւ Քանաքեռ-Զեյթուն վարչական շրջանների ընդհանուր իրավասության դատարանը, Լեւոն Ավետիսյանի նախագահությամբ, դատական նիստի ժամը նշանակեց 14:00-ին: Այսօր նույնպես պետք է հարցաքննվեն դատակոչված փորձագետները: Նրանք արդեն մի քանի նիստ շարունակ պարտաճանաչորեն ներկայանում են դատարան, սակայն տարբեր պատճառներով հարցաքննությունը չի լինում:

Հիժշեցնենք, որ ամբաստանյալի աթոռին են «Արաբկիր» ԲՀ մանկաբույժներ Լիլիթ Վարդանյանն ու Զարինե Այվազյանը, ովքեր մեղադրվում են մասնագիտական պարտականությունները ոչ պատշաճ կատարելու մեջ, ինչի հետևանքով երեխա է մահացել:

Լիլիթ Վարդանյանի փաստաբան Գիվի Հովհնաննիսյանը դատարանին հայտնեց, որ մյուս` Զարինե Այվազյանի փաստաբան Երեմ Սարգսյանը ԼՂՀ-ից գալիս է  Երեւան և միայն 1-1.5 ժամ անց կկարողանա դատարանում լինել: