Բռնցքամարտի Հայաստանի հավաքականը Ծաղկաձորում կանցկացնի ուսումնամարզական հավաք

Օգոստոսի 3-ից 16-ը բռնցքամարտի Հայաստանի մեծահասակների հավաքականը՝ գլխավոր մարզիչ Դավիթ Թորոսյանի գլխավորությամբ կանցկացնի հերթական ուսումնամարզական հավաքը, որն այս անգամ ավելի ընդլայնված կազմով է: Դավիթ Թորոսյանի տրամադրության տակ այս անգամ 30 բռնցքամարտիկներ են, որոնցից 2 գեղեցիկ սեռի ներկայացուցիչներ: Ծաղկաձորյան ուսումնամարզական հավաքի ընթացքում մեր բռնցքամարտիկները կնախապատրաստվեն սեպտեմբերին Լեհաստանում կայանալիք միջազգային մրցաշարին: Մեր բռնքամարտիկների թեթևությունն ապահովելու համար Հայաստանի հավաքականի մարզչական շտաբը հիմնական շեշտը դնելու է տեխնիկակատակտիկական որակները բարձրացնելու վրա: Զուգահեռաբար կլինեն նաև սպարինգ մենամարտեր: