Բռնցքամարտի Հայաստանի հավաքականը ուսումնամարզական հավաք է անցկացնում Ծաղկաձորում

Հուլիսի 4-ին բռնցքամարտի Հայաստանի մեծահասակների հավաքականը մեկնեց Ծաղկաձոր, որտեղ, գլխավոր մարզիչ Դավիթ Թորոսյանի գլխավորությամբ, կանցկացնի երկշաբաթյա ուսումնամարզական հավաք: Ծաղկաձորյան հավաքին մասնակցում են 24 բռնցքամարտիկներ, որոնցից 4-ը գեղեցիկ սեռի ներկայացուցիչներ են:

 Ծաղկաձորի մարզաբազայում մեր բռնցքամարտիկները օրական կանցկացնեն 2 մարզում: Ինչպես նշեց Հայաստանի հավաքականի գլխավոր մարզիչ Դավիթ Թորոսյանը, այս ուսումնամարզական հավաքի ընթացքում հիմնական շեշտը դրվելու է ֆիզիկական և տեխնիկական պատրաստվածության վրա: Ըստ գլխավոր մարզչի` հավաքը նաև լավ հնարավորություն կտա առաջիկա միջազգային մրցաշարերին ավելի պատշաճ նախապատրաստվելու համար: Տեղեկացնենք, որ Հայաստանի հավաքականի մարզչական շտաբում են նաև փորձառու մասնագետներ Մանվել Գաբրիելյանը և Արտյոմ Սիմոնյանը: Այս մասին Yerkir.am-ը  տեղեկացավ Հայաստանի բռնցքամարտի ֆեդերացիայի մամաուլի ծառայությունից: