Բռնցքամարտի Հայաստանի երիտասարդական հավաքականը ուսումնամարզական հավաք է անցկացնում

Բռնցքամարտի Հայաստանի երիտասարդական հավաքականը նոյեմբերի 19-29-ը մասնակցելու է Լեհաստանի Կոլոբժեկ քաղաքում տեղի ունեցող Եվրոպայի երիտասարդական առաջնությանը:

Հայաստան բռնցքամարտի ֆեդերացիայի մամուլի ծառայությունը տեղեկացնում է, որ կարևորագույն այս ստուգատեսին լավագույնս նախապատրաստվելու համար Հայաստանի երիտասարդական հավաքականը, Կարեն Աղամալյանի գլխավորությամբ, հոկտեմբերի 21-ից ուսումնամարզական հավաք է անցկացնում Ծաղկաձորում, որը կտևի մինչև նոյեմբերի 2-ը: Ծաղկաձորյան հավաքից 1 շաբաթ անց` նոյեմբերի 9-ին, երիտասարդական հավաքականը, Կարեն Աղամալյանի գլխավորությամբ, կուղևորվի Լիտվայի մայրաքաղաք Վիլնյուս, որտեղ կանցկացնի 2-րդ ուսումնամարզական հավաքը: Արտասահմանյան հավաքը կտևի 10 օր: 

Հավելենք, որ Եվրոպայի առաջնությունում Հայաստանը կներկայացնի 7 բռնցքամարտիկ: