Շալանդի առաջին պարտությունը. Ալժիր-Հայաստան` 3:1

Այսօր Շվեյցարիայում Հայաստանի ազգային հավաքականը, գլխավոր մարզիչ Բերնար Շալանդի գլխավորությամբ, երկրորդ ստուգողական հանդիպումն անցկացրեց` մրցելով «Մունդիալ 2014»-ի մասնակից Ալժիրի ընտրանու հետ:

Այս անգամ Հայաստանի ազգային հավաքականի կազմում հարձակման սուր գծում Յուրա Մովսիսյանի փոխարեն խաղադաշտ դուրս եկավ Մաուրո Գևգեոզյանը:

Պաշտպանությունում արած կոպիտ սխալների հետևանքով արդեն առաջին խաղակեսում մերոնք 3 գնդակ ընդունեցին սեփական դարպասը:

Նախ` 14-րդ րոպեին Էսեիդ Բելքելեմը բացեց խաղի հաշիվը, այնուհետև 22-րդ և 41-րդ րոպեներին, համապատասխանաբար, Նաբիր Ջիլասը և Իսլամ Սիմանին մեծ առավելություն տվեցին իրենց թիմին:

Երկրորդ խաղակեսը սկսվելուն պես մեր ֆուտբոլիստները կրճատեցին հաշվի տարբերությունը: Աչքի ընկավ Արթուր Սարկիսովը:

Մնացած ժամանակահատվածում մերոնք փորձեցին փրկել խաղը, սակայն` ապարդյուն: