«Բանանց»-ն առաջին պարտությունը կրեց 3-րդ խաղաշրջանում

Այսօր տեղի ունեցան Հայաստանի առաջնության 19-րդ տուրի հետաձգված 2 խաղերը:

«Միկա»-ն սեփական հարկի տակ ընդունեց «Բանանց»-ին: Խաղը ընթացավ դաշտի տերերի բացահայտ առավելությամբ: Արդեն 4-րդ րոպեին Ալիկ Առաքելյանը գրավեց հյուրերի դարպասը, իսկ հիմնական ժամանակի վերջին րոպեին փոխարինման մտած Հայկ Ոսկանյանը հաշիվը դարձրեց 2:0: «Միկա»-ն հաղթեց այս տարվա ամենաբարձր արդյունքը ցույց տված թիմին:

Կապանում տեղի «Գանձասար»-ը մրցեց «Ալաշկերտ»-ի հետ: Այս խաղում մեծ անակնկալ գրանցվեց: Արմեն Գուլբուդաղյանցի սաները, ովքեր եզրափակում էին մրցաշարային աղյուսակը, 2 անպատասխան գնդակ ուղարկեցին կապանցիների դարպասը:  27-րդ րոպեին Միհրան Մանասյանը բացեց հաշիվը, իսկ 56-րդ րոպեին Դարկո Վուչիչը 2-րդ գնդակն ուղարկեց տան տերերի դարպասը:

19-րդ տուրի հետաձգված խաղերից հետո  «Ալաշկերտ»-ը շրջանցեց «Ուլիս»-ին և դուրս եկավ 7-րդ հորիզոնական:  «Միկա»-ն վաստակեց 30 միավոր, շրջանցեց «Փյունիկ»-ին և հայտնվեց 4-րդ տեղում: