Պուտինի պատճառով արքայազն Չարլզից պահանջել են հրաժարվել գահից

Բրիտանացի առաջատար քաղաքական գործիչներ Վլադիմիր Պուտինի մասին արքայազն Չարլզի հայտարարությունից հետո դիմել են նրան «գահից հրաժարվելու» պահանջով. հայտնում է ИТАР-ТАСС-ը՝  վկայակոչելով բրիտանական ԶԼՄ-ները:

Նրանք կարծում են, որ արքայազն Չարլզը պետք է հրաժարվի գահից և իր թեկնածությունն առաջադրի ընտրություններում, եթե ցանկանում է որևէ  քաղաքական հայացքներ արտահայտել: Բրիտանական ավանդության համաձայն՝  թագավորական ընտանիքի անդամի համար դա անընդունելի է:

Արքայազն Չարլզը, անձնական զրույցում անդրադառնալով Պուտինի՝ Ուկրաինայի հարցով քաղաքականությանը և Ղրիմի միացմանը, ասել էր. «Ներկայումս Պուտինը անում է գրեթե նույնը, ինչ ժամանակին Հիտլերը»: