Արքայազն Չարլզից 5 միլիարդ դոլար են խնդրում

Մոսկվայի «Աբ էլիս» ճարտարապետների բյուրոյի անդամները աջակցություն ստանալու նպատակով դիմել են Միացյալ Թագավորության արքայազն Չարլզին, որպեսզի նա էլ միանա Յակուտիայում քաղաք-այգի կառուցելու նախաձեռնությանը. տեղեկացնում է РИА Новости-ն:

Քաղաքը պետք է կառուցվի Միրնի քաղաքից ոչ հեռու գտնվող «Միր» հատվածում, որը համարվում է ալմաստի` աշխարհոմ խոշորագույն հանքավայրերից մեկը:

«Ես նամակ եմ գրել Անգլիա` արքայազն Չարլզին: Եթե Նորին մեծությունը արձագանքի, լավ կլինի»,- ասել է «Աբ էլիս»-ի նախագահ Լյուտոմսկին եւ հավելել, որ ծրագիրը հնարավոր է իրականացնել 5 միլիարդ դոլարի ներդրման դեպքում: Իսկ այդպիսի գումարներ, Լյուտոմսկու խոսքերով, Ռուսաստանում չկան: