ԱՄՆ-ն Չինաստանից պահանջել է հրաժարվել իրանական նավթից

ԱՄՆ-ն ցանկանում է հասնել նրան, որ չինական իշխանությունները ամբողջապես հրաժարվեն իրանական նավթի գնումից. այս մասին, ըստ Yerkir.am-ի, հայտնում է ամերիկյան FoxNews հեռուստաալիքը՝ հղում անելով ԱՄՆ Ֆինանսների նախարար Սթիվ Մնուչինին:

Ամերիկացի նախարարը հայտարարել է, որ Իրանը իր նավթի 70 տոկոսն արտահանում է Չինաստան:

«Թեհրանի ստացած միջոցներն օգտագործվում են Մերձավոր Արևելքում ահաբեկչական խմբավորումներին ֆինանսավորելու համար: ԱՄՆ պատժամիջոցների պատճառով իրանական նավթամթերքների վաճառքը նվազել է 95 %-ով», - նշել է Մնուչինը՝ հավելելով, որ Վաշինգտոնն ու Պեկինը բանակցություններ են տանում Իրանից նավթի գնումը դադարեցնելու ուղղությամբ: