Վարուժան Հակոբյանը «մահվան» պարտիա կանցկացնի

Գրոսմայստերներ Վարուժան Հակոբյանը եւ Տաթեւ Աբրահամյանը այսօր ԱՄՆ-ի առաջնության լրացուցիչ հանդիպումներում կվիճարկեն երկրի չեմպիոնների տիտղոսները:

Հակոբյանը 11 հնարավորից վաստակել է 7 միավոր եւ գրոսմայստերներ Գատա Կամսկու եւ Ալեքսանդր Լենդերմանի հետ բաժանում է 1-3-րդ տեղերը: Այսօր նախ «մահվան» պարտիա կանցկացնեն Հակոբյանը եւ Լենդերմանը: Ապա հաղթողը ոսկե մեդալը կխաղարկի Կամսկու հետ:

Նույն իրավիճակն է կանանց առաջնությունում: Տաթև Աբրահամյանն 9 հնարավորից վաստակել է 6,5 միավոր եւ գրոսմայստերներ Իրինա Կրաշի եւ Աննա Զատոնսկիխի հետ բաժանում է 1-3-րդ տեղերը: Այսօր «մահվան» պարտիայում նախ կհանդիպեն Աբրահամյանը եւ Զատոնսկիխը: Հաղթողին եզրափակիչում կսպասի Կրաշը:

Աղբյուր՝ armchess.am