Շախմատ. Վարուժան Հակոբյանը շարունակում է գլխավորել մրցաշարային աղյուսակը

Գրոսմայստեր Վարուժան Հակոբյանը Սենթ Լուիսում անցկացվող ԱՄՆ-ի առաջնությունում 10 հնարավորից վաստակել է 6,5 միավոր եւ Ալեքսանդր Լենդերմանի հետ գլխավորում է աղյուսակը: Այսօր կայանալիք վերջին` 11-րդ տուրում Հակոբյանը սեւերով հանդիպելու է Լենդերմանի հետ:

Առաջատարներից կես միավորով ետ է մնում Գատա Կամսկին, որն այսօր սպիտակներով խաղալու է Ջոշուա Ֆրիդելի հետ:

Միավորների հավասարության դեպքում ԱՄՆ-ի չեմպիոնը կորոշվի լրացուցիչ պարտիաներում:

ԱՄՆ-ի կանանց առաջնությունում գրոսմայստեր Տաթեւ Աբրահամյանը 8 հնարավորից ունի 5,5 միավոր եւ վերջին տուրից առաջ ընթանում է երրորդ տեղում: Տաթեւը միայն կես միավորով է ետ մնում առաջատարներից` գրոսմայստերներ Իրինա Կրաշից եւ Աննա Զատոնսկիխից:

Աղբյուր` armchess.am