Արթուր Բաղդասարյանը 100 օր կսպասի

ՕԵԿ առաջնորդ Արթուր Բաղդասարյանն այսօր լրագրողների հետ հանդիպման ժամանակ, պատասխանելով Yerkir.am-ի այն հարցին, թե ինչպես է վերաբերվում նոր վարչապետին, նրա նշանակմանը նախ ասաց. «Հա, ի դեպ, Շարմազանովը հայտարարել էր, որ նոր վարչապետը պետք է բոլորի համար ընդունելի ու սիրված անձ լինի»: Հետո հայտարարեց, որ նոր վարչապետի հետ էլ անցել են համատեղ ճանապարհ, բայց նոր կառավարության գնահատականը կտան որոշ ժամանակ անց:

«Մենք հաջողություն ենք մաղթում նրան իր գործունեության մեջ: Այսօր իսկապես երկիրը լրջագույն խնդիրների առաջ է կանգնած, թե ինչպիսին կլինեն նոր վարչապետը ու նոր կառավարությունը, ցույց կտա ժամանակը: Մենք կառավարությանը չենք խանգարելու, կսպասենք հարյուր օրին ու կտանք գնահատականը»,- ասաց Բաղդասարյանը: