«Թանգարանային գիշեր»-ի ընթացքում 100 թանգարան կսպասի հյուրերի

Մայիսի 18-ին նշվող Թանգարանների միջազգային օրվա շրջանակներում մայիսի 17-ին կանցկացվի «Թանգարանների գիշեր» համաեվրոպական միջոցառումը:

2014-ը հոբելյանական է «Թանգարանների գիշեր» համաեվրոպական միջոցառման համար` լրանում է ծրագրի 10-ամյակը: Այս տարի անգամ մասնակից թանգարանների թիվն է խորհրդանշական` միջոցառման 10-ամյակին Հայաստանի և Արցախի 100 թանգարան իրենց դռները կբացեն թանգարանասեր հասարակության առջև:

«Թանգարանների միջազգային օրվա» խորագիրն է` «Թանգարանները միավորում են մեզ», որն ամբողջապես համապատասխանում է իր խորհրդին և առաքելությանը` միավորելով մարդկանց միևնույն գաղափարի շուրջ, ինչի վկայությունն է յուրաքանչյուր տարի ավելացող այցելությունների թիվը: