Ո՞վ կլինի ԱԺ հաջորդ նախագահը

Արդեն ԱԺ նախագահի թափուր պաշտոնի հավանական թեկնածուների բազմաթիվ անուններ են շրջանառվում: Ո՞վ կարող է հավակնել այդ պաշտոնին:

ՀՅԴ խմբակցության ղեկավար Արմեն Ռուստամյանը yerkir.am-ին խորհուրդ տվեց չշտապել և սպասել: Ըստ նրա` այդ հարցը որոշելու է ԱԺ մեծամասնությունը, և անիմաստ է այս փուլում գուշակություններ անել:

«Իմ կարծիքով` շրջանառվող անուններից լավագույն թեկնածուներից մեկը կարող է լինել Կարեն Կարապետյանը, չնայած ինքս չգիտեմ` Կարեն Կարապետյանին եթե իր կուսակիցները առաջարկեն,  կհամաձայնի՞, թե՞ ոչ»,- ասաց Արմեն Ռուստամյանը:

«Նա ինքնաբավ, ինքնուրույն անձնավորություն է, փորձառու է, կարող է ապահովել ճիշտ հարաբերություններ բոլոր քաղաքական ուժերի հետ և, որ ամենակարևորն է, զուտ իր անհատական հատկանիշներով կարող է լինել ընկալելի բոլոր կողմերի  համար» , - պարզաբանեց պատգամավորը և հավելեց, որ, այնուամենայնիվ, դա ԱԺ մեծամասնության և անձամբ իր` Կարեն Կարապետյանի որոշելիք հարցն է: