«Դեմ եմ պարտադիրին» նախաձեռնության լուռ ակցիան` ՍԴ-ի առջեւ

Արդեն հայտնել ենք, որ այսօր ՍԴ-ն քննարկում է պարտադիր կուտակային կենսաթոշակային համակարգի որոշ դրույթների սահմանադրականությունը: ՍԴ նիստին զուգահեռ` ՍԴ-ի շենքի առջեւ «Դեմ եմ» նախաձեռնությունն անցկացնում էր խորհրդանշական լուռ ակցիա: Մարդիկ պարզել էին արդարության մասին հայտնի գրություններով պաստառներ, նրանք կոչեր չէին անում: Որպես խորհրդանիշ՝ աչքերին կամ ճակատին կրում էին սպիտակ ժապավեններ:

ԱԺ ՀՅԴ խմբակցության պատգամավոր Արծվիկ Մինասյանը, դուրս գալով ՍԴ դահլիճից, հայտնեց, որ համոզված է` պատասխանող կողմից ԱԺ ՀՀԿ-ական պատգամավոր Հակոբ Հակոբյանը չի կարող ուժեղ հակափաստարկներ բերել` ի պատասխան դիմողների ներկայացրած` բավական ծանրակշիռ փաստարկների:

Ուշագրավ միջադեպ տեղի ունեցավ, երբ նիստի ընդմիջումից հետո ՍԴ շենքից դուրս եկավ ԱԺ պատգամավոր Հակոբ Հակոբյանը: Հավաքվածները նրա հետեւից գոռում էին` ամոթ, ասում, որ պայքարում են իրենց երեխաների բարեկեցության համար, իսկ նրանք փորձում են թալանել երիտասարդներին:

Լուռ ակցիան` կարճ տեսաշարով, ներկայացնում ենք ստորեւ: