''Դեմ եմ պարտադիրին'' շարժման մասնակիցների ավտոերթը հասել է Հանրապետության հրապարակ

Պարտադիր կուտակային կենսաթոշակային համակարգի ներդրման դեմ բողոքող քաղաքացիները' «Դեմ եմ պարտադիրին» ակցիայի մասնակիցները քիչ առաջ Մարզահամերգային համալիրի մոտից 50-ից ավելի մեքենաներով բողոքի ավտոերթ սկսեցին եւ արդեն հասել են Հանրապետության հրապարակ:

Yerkir.am-ի թղթակիցը հայտնում է, որ այս  պահին ակցիայի մասնակիցները մեքենաների ձայնային ազդանշաններով պտտվում են Հանրապետության հրապարակում եւ իրազեկում քաղաքացիներին իրենց ակցիայի մասին, հորդորում մարդկանց' միանալ իրենց բողոքի շարժմանը:

Ավտոերթի մասնակիցները, «Դեմ եմ պարտադիրին» գրառումներով պաստառներով ու դրոշակներով, մտադիր են Երեւանի բանուկ փողոցներով հասնել Հանրապետության հրապարակ, այնուհետեւ վերադառնալ ելման կետ` հնարավորինս շատ փողոցներով անցնելով, որպեսզի որքան հնարավոր է ավելի շատ մարդ տեսնի իրենց բողոքի ակցիան:

ՄՀՀ-ում` մինչ ավտոերթի մեկնարկը, ակցիայի մասնակիցներին էր մոտեցել ճանապարհային ոստիկանության աշխատակիցը եւ հորդորել չխախտել ճանապարհային երթեւեկության կանոնները:

Մանրամասներն ու տեսանյութը' քիչ անց: