''Դեմ եմ պարտադիրին'' ակցիան խուճապի մատնեց ոստիկաններին

Արդեն հայտնել ենք, որ այսօր 50-ից ավելի մեքենաներ երթով անցան Երևանի բանուկ փողոցներով` այդ կերպ արտահայտելով իրենց դժգոհությունը հունվարի 1-ից ուժի մեջ մտնող պարտադիր կուտակային կենսաթոշակային համակարգի դեմ: Ակցիայի մեկնարկից առաջ Մարզահամարգային համալիրի ավտոկայանատեղիում ՃՈ առաջին գումարտակի հրամանատարի տեղակալ, ոստիկանության փոխգնդապետ Հայկազ Մաթևոսյանը ակցիայի մասնակիցներին հորդորեց ճանապարհային երթևեկության կանոնները չխախտել: Մասնակիցները համաձայնեցին` ոստիկաններին խնդրելով ուղեկցել իրենց:

Սակայն, երբ մեքենաների շարասյունը հասավ Հանրապետության հրապարակ` շրջապտույտ կատարելու, ՃՈ մեքենաները փակեցին հրապարակի մի հատվածը: Ոստիկանները պատճառաբանեցին, որ ակցիայի մասնակիցների մեքենաները կաթվածահար են արել երթևեկությունը, այդ իսկ պատճառով իրենք փակել են ճանապարհը:

Մանրամասները`yerkir.am-ի տեսանյութում: