Վիտալի Բալասանյանի միակ թշնամին

«Ժողովուրդը» գրում է. «Անցել է շուրջ 3 ամիս, սակայն մինչ օրս Արցախի հերոս, ԼՂՀ նախագահի նախկին թեկնածու Վիտալի Բալասանյանի նկատմամբ մահափորձի գործով նախաքննությունը շարունակվում է։ «Ժողովուրդ»-ի հետ զրույցում Վիտալի Բալասանյանն ասաց, որ սպասում է նախաքննության ավարտին, որից հետո կորոշի իր անելիքները.

«Սպասում եմ նախաքննությունը ավարտվի, երբ նյութերը ձեռքումս լինեն եւ ամեն ինչից տեղյակ լինեմ, նոր մեր անելիքները կանենք։

-Նկատենք, որ Դուք այս ընթացքում չխոսեցիք, եւ փոխարենը դատախազությունը հաղորդագրություն տարածեց, ինչը վրդովեցրեց Ձեզ։ Իսկ Դուք շարունակո՞ւմ եք վստահել։

-Մինչեւ նյութերին չծանոթանամ, չեմ կարող ասել՝ վստահում եմ, թե չէ։ Բայց ախր ես ինքս ինձ չեմ վստահում, ոնց կարող եմ նման բան ասել։

-Հույս ունեք, որ Ձեր դեմ կազմակերպված մահափորձի իրական կազմակերպիչները կբացահայտվե՞ն, թե՞ սա էլ կդասվի չբացահայտված մահափորձերի շարքին։

-Միանշանակ կբացահայտվի։

-Իսկ Դուք թշնամիներ ունե՞ք, որոնք Ձեր մահն են ցանկանում։

-Իմ միակ թշնամին Ադրբեջանն է»:

Մանրամասն` թերթի այսօրվա համարում: