2 ամսվա ընթացքում պետք է որոշվի, թե ով ԲՀԿ-ում ինչի համար է պատասխան տալու

«Ժողովուրդը» գրում է.

«Շաբաթ օրը կայացած ԲՀԿ դռնփակ համագումարից հետո հրավիրված քաղխորհրդի նիստից «Ժողովուրդ»-ին հետաքրքիր մանրամասներ հայտնի դարձան։ Ըստ այդմ, ԲՀԿ առաջնորդ Գագիկ Ծառուկյանը ելույթը կարդալուց հետո ավելի առարկայական է խոսել։ Նա ասել է, որ «2 ամսվա ընթացքում պետք է որոշվի, թե ով ինչի համար է պատասխան տալու»։ Շատ ԲՀԿ-ականներ չեն հասկացել, թե ինչ է նկատի ունեցել։ Այնուհետև հայտարարել է, թե «մեր թիրախը ՀՀ կառավարությունն է, քանի որ ՀՀ վարչապետն է մեր երկիրը կործանում»։

Երեկ «Ժողովուրդ»-ը փորձեց ԲՀԿ մամլո խոսնակ Տիգրան Ուրիխանյանից պարզել, թե ինչ է նկատի ունեցել ԲՀԿ նախագահը։ «Պարոն Ծառուկյանն ասել է, որ եռամսյակի ընթացքում յուրաքանչյուրը պետք է պատասխանատվություն կրի իր կատարած աշխատանքի համար, խոսքը մեր ձևավորված կառույցների, հանձնաժողովների, ղեկավարների մասին է»:

Մանրամասները՝ թերթի այսօրվա համարում։