Հայաստանը, Ուկրաինան այլ պատմություն են. Վրաստանի վարչապետը՝ Մոսկվայի ճնշումների մասին

Անկախություն ձեռք բերելուց ի վեր Վրաստանն արդեն 20 տարի ձգտում է դեպի Եվրոպա. ասել է Վրաստանի վարչապետ Իրակլի Գարիբաշվիլին  ֆրանսիական France 24 հեռուստաալիքին տված հարցազրույցում. գրում է Грузия Online-ը:

Գարիբաշվիլին կարևոր իրադարձություն է համարել ԵՄ-ի հետ Ասոցացման մասին համաձայնագրի նախաստորագրումը Վիլնյուսի գագաթաժողովի շրջանակում: Նա նշել է, որ Վրաստանի բնակչության մեծամասնությունը հավանություն է տալիս ԵՄ-ի հետ ասոցացման համաձայնագրի ստորագրմանը:

Վրաստանի վարչապետը նաև ասել է, որ Մոսկվան փորձել է խանգարել ասոցացման համաձայնագրի նախաստորագրմանը, սակայն ոչինչ չի ստացվել: «Պարզաբանեմ՝ ինչու: Ուկրաինան բոլորովին այլ պատմություն է, ինչպես նաև Հայաստանը: Ռուսաստանը Վրաստանում շատ լծակներ չունի, որոնց օգնությամբ կարող է ճնշում գործադրել եվրաինտեգրման հարցում Վրաստանի որոշման վրա»,- նշել է նա: