Երեք ֆուտբոլիստ զինծառայությունից տարկետում կստանա

Կառավարությունը վաղվա նիստում ֆուտբոլի` մինչեւ 19 տարեկանների ազգային հավաքականի մի քանի խաղացողների պարտադիր զինվորական ծառայությունից տարկետում կտրվի:

Պարտադիր զինվորական ծառայության զորակոչից մինչև 2016 թվականի ամառային զորակոչը տարկետում կստանան Արմեն Մանուչարյանը, Էդգար Բաղումյանն ու Անդրեյ Շահգելդյանը:

Այս 3 ֆուտբոլիստին անցյալ տարվա սեպտեմբերի 30-ին` ՀՀ նախագահի 2013 № 246-Ա հրամանագրով Հայաստանի Հանրապետության քաղաքացիություն է շնորհվել: Իսկ այդ դեպքում արդեն նրանք դարձել են զինապարտ: Ուստի անհրաժեշտություն է առաջացել նրանց պարտադիր զինվորական ծառայությունից տարկետում տալու` մինչև 2016 թվականի գարնանային զորակոչը, որպեսզի նրանք շարունակեն հանդես գալ մինչեւ 19 տարեկանների ազգային հավաքականում: