Ուկրաինայի անվտանգության ծառայությունն աշխատում է Յանուկովիչի դե՞մ

Ուկրաինայի անվտանգության ծառայությունն աշխատում է նախագահ Վիկտոր Յանուկովիչի դեմ՝ սահմանադրական կարգը վերջնականորեն տապալելու նպատակով: Այդ մասին հայտարարել է Գերագույն ռադայի` իշխող կուսակցությունից պատգամավոր Վադիմ Կոլեսնիչենկոն. հայտնում է Лента.ру-ն:

Նա ընդգծել է, որ հատուկ ծառայությունը հետաքննություն է սկսել Ղրիմի պատգամավորների` ՌԴ-ից օգնություն խնդրող հնարավոր դիմումի կապակցությամբ՝ անտեսելով վարչական շենքերը գրավելու` ընդդիմության սկսած արշավը:

Ըստ նրա՝  ծառայության ուշադրությունից դուրս են մնում նաև ոստիկանության աշխատակիցների վրա բազմաթիվ հարձակումները, իշխանության տապալման կոչերը: