Փոխարժեքներ
08 09 2024
|
||
---|---|---|
USD | ⚊ | $ 387.09 |
EUR | ⚊ | € 429.94 |
RUB | ⚊ | ₽ 4.32 |
GBP | ⚊ | £ 509.68 |
GEL | ⚊ | ₾ 143.79 |
Արցախի Հանրապետության պետական նախարար Արտակ Բեգլարյանն իր ուրախությունն է հայտնել և Արցախի համար մեծ հնարավորություն համարել, որ պետական նախարարի պաշտոնում իրեն առաջիկայում կփոխարինի Ռուբեն Վարդանյանը:
«Արմենպրես»-ի թղթակցի հաղորդմամբ՝ նոյեմբերի 3-ին իր գործունեության ամփոփման շուրջ հրավիրված մամուլի ասուլիսի ընթացքում Արտակ Բեգլարյանը տեղեկացրել է, որ Ռուբեն Վարդանյանը՝ որպես պետական նախարար, կպաշտոնավարի տարբեր գործառույթներով ու լիազորություններով ու նպատակներով: «Ես կարծում եմ, որ սա մեծ, լավ հնարավորություն է Արցախի Հանրապետության համար՝ հաշվի առնելով Ռուբեն Վարդանյանի փորձը, կարողությունները: Այս տեսանկյունից ես պատրաստ եմ առավելագույնս աջակցել, որպեսզի պարոն Վարդանյանը պետնախարարի կարգավիճակում արդյունավետ ծառայություն իրականացնի ժողովրդին ու հայրենիքին»,-ասաց Բեգլարյանը՝ համոզմունք հայտնելով, որ Ռուբեն Վարդանյանը, հաջորդ կառավարությունը կշարունակեն արդեն իսկ մեկնարկած համակարգային երկարաժամկետ բարեփոխումները, որոնց շրջանակներում աշխատանք է տարվել տարբեր ոլորտներում, այդ թվում՝ կրթական, առողջապահական, սոցիալական ռազմավարությունների նախագծերի մշակման, օրենսդրության փոփոխության ուղղությամբ:
Պաշտոնավարումն ավարտող պետական նախարար Արտակ Բեգլարյանը հայտնել է նաև, որ շարունակելու է պետական ծառայությունը, իսկ թե ինչ կարգավիճակով ու գործառույթներով, այդ մասին կհայտարարվի առաջիկա օրերին: