Հայտնի է դարձել, թե երբ կբարձրանա հասարակական տրանսպորտի ուղեվարձը

Yerkir.am-ին հայտնի է դարձել, թե երբ կթանկանա հասարակական տրանսպորտը:

Մեզ հասած տեղեկությունների համաձայն` որոշման մասին կհայտարարվի գարնանը` մարտ-ապրիլ ամսին:  Հենց գարնանը տրանսպորտի թանկացման մասին որոշումը հրապարակայնացնելը պայմանավորված է նրանով, որ ժողովուրդը թեթեւացած կլինի գազի եւ էլեկտրաէներեգիայի համար վճարելիք կոմունալ ծախսերից:

Մեր տեղեկություններով, սակայն, Երեւանի քաղաքապետ Տարոն Մարգարյանը այս թեմայով դեռեւս խորհրդակցություններ է անցկացնում: Նա մտածում է նաեւ երկրորդ տարբերակի մասին: Ըստ մեր աղբյուրների` քննարկվում է նաեւ տրանսպորտը հուլիսին թանկացնելու տարբերակը: Նշենք, որ այդ ժամանակ նախատեսվում է աշխատավարձերի բարձրացում: Իշխանության տրամաբանությամբ` երբ տեղի ունենա աշխատավարձերի բարձրացում, ուղեվարձը 150 դրամ դարձնելն այդքան էլ չի «դատարկի» քաղաքացու գրպանը:

Նշենք, որ, այս պահի դրությամբ, Տարոն Մարգարյանը հակված է ուղեվարձը գարնանը թանկացնելու տարբերակին: Որքան շուտ թանկացումը լինի,  այնքան շուտ գերշահույթ կստանան: