Թուրքիան Սինգապուրի հետ ազատ առևտրի պայմանագիր է կնքել

Թուրքիայի վարչապետ Էրդողանն ու Սինգապուրի վարչապետ Լի Լոնգը համատեղ մամուլի ասուլիս են հրավիրել:

Ըստ iha-ի՝ վարչապետ Էրդողանն ասել է. «Ուրախ եմ գտնվել Սինգապուրում: Ուրախ եմ նաև, որ 18 տարվա ընթացքում առաջին վարչապետը եղա, ով այցելեց Սինգապուր: Շնորհակալ եմ, որ այստեղ մեզ շատ լավ դիմավորեցին»:

Անդրադառնալով երկու երկրների միջեւ զբոսաշրջության զարգացմանը՝ Էրդողանը նշել է. «2011 թվականին Թուրքիայի և Սինգապուրի ապրանքաշրջանառության ծավալը 1.2 միլիարդ դոլարի է հասել: Մեր նպատակն է այն հասցնել մինչև 3-5 միլիարդ դոլարի: Սինգապուրում ապրում է Թուրքիայի 700 քաղաքացի: Այդ իսկ պատճառով նպատակ ունենք նաև բացել Թուրքիա-Սինգապուր ուղիղ չվերթ»: