Բիշարյանը խայթեց

ՕԵԿ խմբակցության ղեկավար Հեղինե Բիշարյանը, ՕԵԿ խմբակցության անունից խոսելով բյուջեի մասին, նախ նշեց, որ, որպես կոալիցիոն գործընկեր, ՕԵԿ-ը դեմ է անձնական գնահատականներին ու ածականներին այն անձանց հասցեին, որոնք ամեն օր աշխատում են ԱԺ-ում:

Նրա խոսքով` քվեարկություններից առաջ որոշ պատգամավորներ ամպագոռգոռ ելույթներ են ունենում, ձայնագրվում, տեսագրվում, տարածում ու փորձում ցույց տալ, որ իրենց ավելի շատ են մտածում ժողովորդի ու երկրի մասին: Նա կոչ արեց բոլոր նրանց, ովքեր ճոխ «շարահյուսական բառեր» են ասում, իրենց գործողություններով գնան առաջ, որովհետև խոսքերը դատարկ բաներ են: Հեղինե Բիշարյանը նշեց, որ ՕԵԿ-ն ընկալում է կառավարության հնարավորությունները:

«Բյուջեի փաստաթղթում ներառված են երկու քաղաքական ուժերի` ՕԵԿ-ի ու ՀՀԿ-ի նախընտրական ծրագրերը, այդ առումով այսօր ինչ առաջընթաց արձանագրում ենք, դրանում ներառված են ՕԵԿ-ի նախընտրական ծրագրերը: Իհարկե, քիչ է ու բավարար է, մենք ուզում ենք ավելին, բայց ունենք այն, ինչ ունենք»,- ասաց Հեղինե Բիշարյանը: