Հեղինե Բիշարյանը զայրացած խլեց լրագրողի ձայնագրիչը

Լրագրողների հետ հանդիպման ժամանակ ՕԵԿ խմբակցության ղեկավար Հեղինե Բիշարյանը, անդրադառնալով մամուլում տեղ գտած այն հրապարակումներին, թե իր քրոջ փեսան` Լեւոն Դոխոլյանը, ով Շենգավիթ վարչական շրջանի բնակիչ է, եւ հարազատ թաղամասում նրան գիտեն «քույրիկ Լեւոն» անունով, ասել է. «Չեմ ուզում խոսել: Մարդը, չեկած խորհրդարան, փորձում են էժանագին բամբասանքներ անել եւ մարդուն ցեխոտել: Նա 12- 13 տարվա կուսակցական է»:

Նշենք, որ Լեւոն Դոխոլյանը կոպիտ արտահայտություններ էր հնչեցրել նյութը հրապարակած լրագրողի հասցեին: Երբ լրագրողներից մեկը փորձեց ցույց տալ հոդվածը` խնդրելով Հ. Բիշարյանին կարդալ իր քրոջ փեսայի մեկնաբանությունները, նա  լրագրողի ձեռքից խլեց ձայնագրիչը, ապա անջատեց համակարգիչը: «Երբ լրագրողը թույլ է տալիս անձնական վիրավորանքներ ինչ-որ մեկի հասցեին, ապա հնարավոր է, որ նա ստանա համապատասխան պատասխան»,- ասաց Բիշարյանը: