Ռեֆորմները պետք է լինեն ագրեսիվ. Բիշարյանը՝ կուտակայինի մասին

Կուտակային կենսաթոշակային համակարգը բոլոր երկրներում էլ գործում է, այն շատ լավ բան է, այն վերաբերում է մեր ապագային, մեր թոռներին. լրագրողների հետ հանդիպման ժամանակ ասաց ԱԺ ՕԵԿ խմբակցության ղեկավար Հեղինե Բիշարյանը:

Խոսելով օրենքի պարտադիր բաղադրիչի մասին՝ նա հայտարարեց. «Ռեֆորմները պետք է լինեն ագրեսիվ, որ կարողանան հաջողություններ ունենալ: Մենք պետք է համբերատար լինենք»:

Yerkir.am-ի հարցին, թե հնարավո՞ր է` կամավոր ֆոնդ ընտրի և օգտվի կուտակային համակարգից, Բիշարյանը պատասխանեց, այո, հնարավոր է: Ավելին` նա նշեց, որ շուտով ինչպես իր երեխաներն ու ընտանիքի մյուս անդամները, այնպես էլ այլ մարդիկ կընտրեն ֆոնդեր և կօգտվեն համակարգից: «Մենք ասում ենք, սիրելի' ժողովուրդ, եկեք` ձեր աշխատավարձերից պահենք, որ հետագայում ապահով լինեք»,- ասաց նա: