Նոր պաշտպան` Արկադի Վարդանյանի գործով

70-ամյա Ռոբերտ Ավետյանին թունավորելու միջոցով կյանքից զրկելու փորձ կատարելու համար մեղադրվող քացաքագետ Արկադի Վարդանյանի, Արսեն Ավետյանի եւ Վարուժան Սավդալյանի դեմ հարուցված քրեական գործում նոր պաշտպան ներգարավվեց:

Կենտրոն եւ Նորք-Մարաշ վարչական շրջանների ընդհանուր իրավասության դատարանում`դատավոր Արշակ Վարդանյանի նախագահությամբ ընթացքող այսօրվա նիստին փաստաբան Անահիտ Ավետիսյանը հայտնեց, որ այսուհետ ինքը ներկայացնելու է ամբաստանյալ Վարուժան Սաֆտալյանի շահերը:

Նշենք, որ այս ամբաստանյալը մինչ այս պաշտպան չի ունեցել, նրա նկատմամաբ խափանման միջոց է ընտրված չհեռանալու մասին ստորագրությունը: Ըստ նախաքննության` Սաֆտալյանը մեղադրվում է իրացնելու նպատակով զգալի չափով հոգեմետ նյութեր  ձեռք բերելու և Արսեն Ավետյանին տրամադրելու , բացի այդ` հաստատապես հայտնի, նախապատրաստվող ծանր հանցագործության մասին չհայտնելու համար:

Ի դեպ` նախորդ դատական նիստին էլ ամբաստանյալ Արկադի Վարդանյանի համար էր նոր պաշտպան ներգրավվել` փաստաբան Ռուբեն Կիրակոսյանը:

Այսպիսով սույն գործով անցնում են 3 ամբաստանյալ, 4 պաշտպան, 6 վկա: Այսօրվա դատական նիստին նոր ներգրավված պաշտպանը միջնորդեց ժամանակ տրամադրել իրեն` գործի նյութերին ծանոթանալու համար:

Դատարանը բավարարեց միջնորդությունը և հետաձգեց դատական նիստը:

Հաջոր` հոկտեմբերի 28-ի դատական նիստին կշարունակվի ամբաստանյալ Վարուժան Սաֆտալյանի հարցաքննությունը: