Բողոքի ակցիա` ի պաշտպանություն Արամ Մուղալյանի

Այսօր մի խումբ ակտիվիստներ բողոքի ակցիա էին կազմակերպել ՀՀ դատախազության առջեւ` ի պաշտպանություն խոտի դեզ այրելու մեջ մեղադրվող Արամ Մուղալյանի և նրա ընկերների:

Ակտիվիստները կրում էին «Պահանջում ենք արդար դատավարություն», «Արդարացում Արամ Մուղալյանին և ընկերներին» և այլ գրառումներով պաստառներ:

Արամ Մուղալյանի մայրը` Վարդուհի Շափաղաթյանը, լրագրողների հետ զրույցում նշեց, որ նամակ է պատրաստել` ՀՀ գլխավոր դատախազ Գևորգ Կոստանյանին հանձնելու, որում ներկայացրել է իր որդու դեմ հարուցված քրեական գործի նախաքննության ընթացքում եղած թերությունները` կոչ անելով նրան` միջոցներ ձեռնարկել իր որդուն և նրա ընկերներին շուտափույթ ազատ արձակելու համար:

Նամակը դատախազին հանձնելու նպատակով ամբաստանյալի մայրը, ոստիկանների ուղեկցությամբ, մտավ դատախազություն: