Որ ասեմ շատ լավ է, սուտ կլինի. Ղլեչյանը` ջրադուլ հայտարարած Մուղալյանի մասին

Հացադուլ և ջրադուլ հայտարարած`  «Նուբարաշեն» ՔԿՀ-ի կալանավոր Արամ Մուղալյանի առողջական վիճակը նորմալ է, նա բժիշկների հսկողության տակ է: Այս մասին yerkir.am-ի լրագրողի հետ զրույցում ասաց ՀՀ ԱՆ քրեակատարողական վարչությունների լրատվության եւ հասարակայնության հետ կապերի բաժնի պետ Գոռ Ղլեչյանը:

Նրա խոսքով` Մուղալյանին պարբերաբար այցելում, նրա հետ զրուցում են կալանավորվածների և դատապարտյալների հետ սոցիալական, հոգեբանական և իրավական աշխատանքներ իրականացնող բաժնի աշխատակիցները:

Ղլեչյանը նշեց նաև, որ ամբաստանյալը ոչ թե չորս, այլ երկու օր է, ինչ ջրադուլի մեջ է: «Դատարանում հայտարարելը քիչ է, ամբաստանյալը շատ բան կարող է ասել»,- ասաց նա և հավելեց, որ իրականում Մուղալյանը ջրադուլի դիմում է ներկայացրել երեկ:

«Սուտ կլինի, որ ասեմ` շատ լավ է, բայց այնպես էլ չի, որ վատ է. նրա հետ հոգեբաններ են աշխատում և հորդորում դադարեցնել հացադուլը և ջրադուլը»,- ասաց Ղլեչյանը: