ՉՈՐՐՈՐԴ ԻՆՔՆԻՇԽԱՆՈՒԹՅՈՒՆ. Սամվել Բալասանյանը կորավ, հետո` գտնվեց

Երեկ ԱԺ նախագահ Հովիկ Աբրահամյանի` Գյումրի կատարած այցելության ժամանակ ուշագրավ փաստ արձանագրեցինք: Հովիկ Աբրահամյանի առաջին կանգառը Շիրակի մարզպետարանն էր, որտեղ ԱԺ նախագահին սկզբում ընդունեց և պատվեց Շիրակի մարզպետ Աշոտ Գիզիրյանը, այնուհետև բոլորը միասին գնացին Գյումրու նորակառույց քաղաքապետարան, որտեղ մեծ ընդունելություն էր կազմակերպել քաղաքապետ Վարդան Ղուկասյանը:

Բանն այն է, որ ԱԺ նախագային ուղեկցող պատգամավորների մեջ էր Սամվել Բալասանյանը` նախկին ՕԵԿ-ական, ներկա ԲՀԿ-ական, որը նաև զբաղեցնում է ԱԺ փոխնախագահի պաշտոնը: Մարզպետարանում, այսինքն` Աշոտ Գիզիրյանի աշխատասենյակում Սամվել Բալասանյանը ներկա էր, իսկ արդեն քաղաքապետարանում նա չկար, ու շատերը ընկած նրան էին փնտրում:

Սամվել Բալասանյանի ժամանակավոր անհետանալը բացատրվում է Բալասանյան-Ղուկասյան հակամարտությամբ, իսկ հակամարտության բուն պատճառը ոչ միայն նրանց մարդկային որակների տարբերությունն է, այլ նաև մասամբ վերջինիս քաղաքական հայացքներն են: