Սահակաշվիլին ԱՄՆ-ում հանդիպել է Օբամայի հետ

Վրաստանի նախագահ Միխեիլ Սահակաշվիլին ամերիկյան այցի շրջանակներում հանդիպել է նախագահ Բարաք Օբամայի հետ. հայտնում է Аpsny.ge-ն:

Նա շնորհակալություն է հայտնել Օբամային Վրաստանի հետ համագործակցության, ինչպես նաև Ռուսաստան կատարած այցի ժամանակ արտահայտած սկզբունքային դիրքորոշման համար:

«Ցանկանում եմ շնորհակալություն հայտնել Ռուսաստանում արտահայտած սկզբունքային դիրքորոշման համար: Այժմ մենք գտնվում ենք վտանգներով լի փուլում, իրավիճակը վերջնականորեն կշտկվի, սակայն, վերաձևակերպելով Ձեր իսկ խոսքերը, ասեմ, որ մինչ բարելավվելը կարող է ավելի վատթարանալ»,- նշել է Վրաստանի նախագահը:

 Օբաման, իր հերթին, կարեւորել է Վրաստանի նախագահի ներդրումը Վրաստանի ժողովրդավարական վերափոխման գործում: