Փոխարժեքներ
14 05 2025
|
||
---|---|---|
USD | ⚊ | $ 387.99 |
EUR | ⚊ | € 435.64 |
RUB | ⚊ | ₽ 4.833 |
GBP | ⚊ | £ 517.81 |
GEL | ⚊ | ₾ 141.55 |
Թուրքիայի վարչապետ Ռեջեփ Թայիփ Էրդողանը և ԱՄՆ նախագահ Բարաք Օբաման հանդիպել են Նյու Յորքում։ Հանդիպմանը ներկա են եղել նաև Թուրքիայի փոխվարչապետ Ալի Բաբաջանը, արտգործնախարար Ահմեդ Դավութօղլուն, ԵՄ անդամակցության գծով գլխավոր բանագնաց, պետնախարար Էգեմեն Բաղըշը, ԱՄՆ-ում Թուրքիայի դեսպան Նամըք Թանը, ինչպես նաև ԱՄՆ պետքարտուղար Հիլարի Քլինթոնը. տեղեկացնում է CNN-ը:
Կողմերի քննարկման հիմնական թեմաներից մեկը եղել է ահաբեկչության դեմ պայքարը։ Օբաման նշել է, որ Թուրքիան համարվում է ԱՄՆ ամենակարեւոր գործընկերներից մեկը եւ Էրդողանին շնորհակալություն է հայտնել Աֆղանստանի ու Լիբիայի հարցերում ցուցաբերած աջակցության համար։ Էրդողանն, իր հերթին, Օբամային իրազեկել է օրեր առաջ կատարած իր արաբական (Եգիպտոս, Թունիս, Լիբիա) շրջագայության մանրամասների մասին։
Հիշեցնենք, որ ԱՄՆ պետքարտուղար Հիլարի Քլինթոնը երկուշաբթի օրը Թուրքիային կոչ է արել բարելավել հարաբերությունները Իսրայելի հետ: