''Նարեկացի'' արվեստի միությունը 9 տարեկան է

Սեպտեմբերի 5-ին լրանում է «Նարեկացի» արվեստի միության հիմնադրման իններորդ տարեդարձը: Այս տարի հոբելյանական միջոցառումների ծրագիրը նվիրված է Կոմիտասին:

Միության հիմնադիր Նարեկ Հարությունյանը լրագրողների հետ զրույցում նշեց, որ իրենք որդեգրել են մի գեղեցիկ ավանդույթ` իրենց հոբելյանը նշել մեր մեծերի հետ:  Նա տեղեկացրեց, որ սեպտեմբերի 5-9-ը միջոցառումների շրջանակում կլինեն փաստագրական ցուցահանդես, համերգաշար եւ դասախոսություններ:

«Ինչքան Կոմիտասին մոտենանք, այնքան ինքներս մեզ, մեր արմատներին, Աստծուն ենք մոտենում: Կոմիտասին մոտենալով` մենք մեր ազգին ենք ճանաչում: Կոմիտասն իր մեջ ամփոփում է հոգեւորը, ազգայինը, ժողովրդականը, մշակութային ժառանգությունը»,- ասաց Հարությունյանը:

Դասախոսություններով հանդես կգան կոմպոզիտոր Տիգրան Մանսուրյանը, երաժշտագետ Մհեր Նավոյանը, կոմիտասագետ Արթուր Շահնազարյանը:

Տիգրան Մանսուրյանն էլ, իր հերթին, նշեց, որ նման ծանր ու լուրջ անունների շուրջ ` ինչպիսին Կոմիտասն է, ստեղծել տոնական միջոցառումներ, դժվար է. «Ես, իրոք, գնահատում եմ Նարեկ Հարությունյանի արած անվարձահատույց աշխատանքը»:

Մանրամասները` տեսանյութում: