Զավեշտ` ″Նարեկացի″ արվեստի միության նախագահի` ուրիշի որդուն առեւանգելը

Երեկ aravot.am-ը գրել էր, որ «Նարեկացի» արվեստի միության նախագահ Նարեկ Հարությունյանն առեւանգել է ուրիշի որդուն:

«Նարեկացի» արվեստի միության մամլո պատասխանատու Դավիթ Իսաջանյանը yerkir.am-ի հետ զրույցում նշեց` քանի որ ինֆորմացիան անձնապես Հարությունյանին է վերաբերում, ուստի միությունը պաշտոնական հայտարարություն չի կարող անել, քանի որ այն ոչ մի կերպ չի վերաբերում միության գործունեությանը:

«Իսկ այ իմ անձնական գնահատմամբ` դա ուղղակի զավեշտ է: Նյութը գրելու բառապաշարը, տեքստը լրիվ դեղին մամուլի է նման: Ես նման հոդվածին ուղղակի լուրջ չէի վերաբերվի»,- ասաց Իսաջանյանը:

Ի դեպ, Նարեկ Հարությունյանն այս պահին Հայաստանում չէ, բայց մոտ օրերս կվերադառնա Հայաստան: