Երկու միջոցառում` ''Նարեկացի'' արվեստի միությունում

Այսօր «Նարեկացի» արվեստի միությունում տեղի կունենա երկու միջոցառում:

Ժամը 16-ին կենտրոնը ճապոնական արվեստի սիրահարներին հրավիրում է մասնակցելու «Ճապոնական մշակույթի օր» միջոցառմանը: Միջոցառման շրջանակներում կհնչեն ճապոնական երգեր, կցուցադրվի իկեբանա, կլինի սադո /թեյախմության արարողություն /: Կցուցադրվի նաեւ ճապոնական ազգային հագուստը` կիմոնոն, եւ ճապոնական թատրոն` կաբուկի: Ներկաներին կներկայացվեն ճապոնական մարտարվեստը եւ տոները:

Իսկ ժամը 19-ին տեղի կունենա լուսանկարների ցուցահանդես` «Երևանի այլընտրանքային քարտեզը» խորագրով: Քարտեզի վրա նշված են քաղաքի մշակութային վայրերը` գունավորված ըստ հաշմանդամություն ունեցող անձանց համար հարմարեցվածության աստիճանի: Միջոցառման նպատակն է ցույց տալ, թե որքանով են հարմարեցված/չհարմարեցված Երևան քաղաքի մշակութային վայրերը հաշմանդամություն ունեցող անձանց համար: