Հենրիկ Նավասարդյանի մեջքին` ''Վճարել 100 դրամ ուղեվարձ''

Այսօր քաղաքապետարանի առջեւ տեղի ունեցած հերթական բողոքի ակցիայի ժամանակ ուշագրավ դեպք տեղի ունեցավ: Ֆոտոլրագրող Գագիկ Շամշյանը Երեւանի քաղաքապետարանի տրանսպորտի վարչության պետ Հենրիկ Նավասարդյանի մեջքին կպցրեց «Վճարել 100 դրամ ուղեվարձ»  գրությամբ թղթի կտոր:

Դա նկատեց քաղաքապետարանի շենքը եւ բողոքի ակցիան հսկող ոստիկաններից մեկը եւ անմիջապես պոկեց թղթի կտորը: Որ Շամշյանը Նավասարդյանի մեջքին նման բան էր փակցրել, նկատել էր նաեւ Երեւանի քաղաքապետ Տարոն Մարգարյանի խորհրդական Ալբերտ Գեւորգյանը: Նա բորբոքված հայտարարեց, որ անպարկեշտ վերաբերմունք է ցուցաբերվում: Մինչ դա նա զրուցում էր բողոքի ակցիայի մասնակիցների հետ, Նավասարդյանն էլ նոր էր մոտեցել, բայց այդ միջադեպից հետո երկուսն էլ հեռացան:

Մանրամասները` Yerkir.am-ի տեսանյութում:

Լուսանկարը` Գագիկ Շամշյանի: