Եվրոպական 4 երկիր ''Հըզբոլլահը'' ահաբեկչական շարժում չի համարում

Չեխիան, Իռլանդիան, Կիպրոսը եւ Մալթան  դեմ են լիբանանյան «Հըզբոլլահ» շարժումը  ահաբեկչական խմբավորումների սեւ ցուցակում ընդգրկելուն: Այդ մասին «Ալ Հայաթ» թերթի թղթակցին ասել են եվրոպացի պաշտոնյաներ. տեղեկացնում է mignews.com-ը:

Այսօր Եվրամիությունն այդ հարցի վերաբերյալ որոշում պետք է կայացնի: Լիբանանի արտգործնախարար Ադնան Մանսուրը նույն թերթին տված հարցազրույցում ընդգծել է, որ եթե այդ 4 երկիրը շարունակեն մնալ իրենց կարծիքին եւ նրանց վրա ճնշում կգործադրվի, «Հըզբոլլահն» այդ ցուցակում չի հայտնվի, քանի որ անհրաժեշտ է բոլոր 28 անդամ երկրների համաձայնությունը: Մանսուրի կարծիքով` այդ երկրների դիրքորոշումը պայմանավորված է հետեւանքների երկյուղով, քանի որ այդ որոշումը կազդի Լիբանանի ներքաղաքական կյանքի, նաեւ Լիբանան-Եվրոպա հարաբերությունների վրա: