Լիբանանյան «Հըզբոլլահը» խոցել է իսրայելական չորս անօդաչու ինքնաթիռներ. ԶԼՄ-ներ

Տեղական աղբյուրները հայտնում են, որ լիբանանյան «Հըզբոլլահ» շարժման ստորաբաժանումները ոչնչացրել են իսրայելական չորս անօդաչու թռչող սարքեր, որոնք թիրախավորել էին Բեյրութը. հաղորդում է իրանական Mehr գործակալությունը:

««Հըզբոլլահ»-ի ուժերը կրակ են բացել և խոցել իսրայելական անօդաչու թռչող սարքերը Բեյրութ տանող ճանապարհին»,- Saberin News Telegram հեռուստաալիքը մեջբերում է «Հըզբոլլահ»-ին մոտ կանգնած աղբյուրների:

Տեղեկատվության համաձայն՝ չորս անօդաչու ինքնաթիռները փորձել էին ծովից մոտենալ Լիբանանի մայրաքաղաքին: Այլ մանրամասներ, ներառյալ՝ զենքի տեսակի մասին, որով դրանք խոցվել են, չեն տրամադրվում:

Լիբանանի հարավում տեղակայված ՄԱԿ-ի խաղաղապահ ուժերը վերջերս հայտարարեցին, որ Իսրայելը բազմիցս խախտել է հարևան արաբական հանրապետության օդային տարածքը՝ անտեսելով համաշխարհային կազմակերպության Անվտանգության խորհրդի բանաձևերը: Ըստ ՄԱԿ-ի՝ Լիբանանի օդային տարածքի խախտումների դեպքերի 95% -ում Իսրայելը կիրառել է անօդաչու թռչող սարքեր. նշում է Mehr-ը: