Իրանը եւ ''Հըզբոլլահը'' քննարկել են Բաշար Ասադին օգնելու հարցը

«Հզըբոլլահի» առաջնորդ Հասան Նասրալան գաղտնի հանդիպում է ունեցել Իրանի գերագույն հոգեւոր առաջնորդ այաթոլլահ Ալի Խամենեիի հետ, որի ընթացքում քննարկվել է Սիրիայի նախագահ Բաշար Ասադին  աջացկություն ցուցաբերելու հարցը, եթե ապստամբները զգալի հաջողությունների հասնեն. ըստ vesti.az-ի` տեղեկացնում է համաարաբական Al Arabiya հեռուստաալիքը:

Բացի դրանից` Նասրալան հանդիպել է «Էլ Կուդսի ուժեր» զորամիավորման հրամանատար Քասեմ Սոլեյմանիի հետ: Զորամիավորումը համարվում է Իսլամական հեղափոխության պահապանների կորպուսի ստորաբաժանումը եւ գործում է Իրանի սահմաններից դուրս:

«Իրանը մտադիր է 100 հազար զինծառայող ուղարկել Սիրիա` Ասադի կառավարության պաշտպանության համար, եթե Արեւմուտքը շարունակի աջակցել ընդդիմադիրներին»,- հայտնել է բանակցություններին տեղյակ աղբյուրը: