Տիմոշենկոյի ինքնակոչ հայրը որոշել է փրկել դստերը

Կիևում ի հայտ է եկել 83-ամյա մի թոշակառու, ով պնդում է, թե երկրի նախկին վարչապետ Յուլիա Տիմոշենկոյի հայրն է. հայտնում է Сегодня-ն:

Ըստ գործակալության` Վլադիմիր Բելին մայրաքաղաք է ժամանել Խմելնիցկի շրջանից: Նա պատմել է, որ արդեն եղել է Խարկովում, որտեղ կալանքի տակ է գտնվում Յուլիան, իսկ այժմ ժամանել է Կիև, որպեսզի օգնի դստերն ազատվել բանտից:

Բելին նաև նշել է, որ իրենք արտաքինով շատ նման են, և իրեն ու Յուլիային տեսնողը միանգամից կհասկանա, որ իրենք հարազատներ են:

Տիմոշենկոյի մորաքույրը, իր հերթին, հայտարարել է, որ Տիմոշենկոյի հարազատ հայրը մահացել է, իսկ այդ ինքնակոչն ուղղակի հոգեկան հիվանդ է: