Հայ լինելն առավելություն է. Արա Գյուլեր

Իմ կյանքում «ամենաերջանիկ պահ» կոչվածն այդպես էլ չեղավ. լրագրողների հետ հանդիպման ժամանակ այսօր խոստովանեց աշխարհահռչակ հայ լուսանկարիչ Արա Գյուլերը:

Նա ասաց, որ, լինելով թուրքահպատակ, երբեւիցե չի թաքցրել, որ հայ է, ու միշտ օգտագործել է ցանկացած առիթ` շեշտելու իր արմատները: «Հայ լինելն առավելություն է»,- նշեց Գյուլերը:

Ըստ լուսանկարչի` գեղեցկությունն անցողիկ է, եւ ինքն իր լուսանկարներում ցանկացել է ցույց տալ մարդու բնավորությունը:

Նշենք, որ այսօր Հայաստանի Ազգային պատկերասրահում բացվեց Արա Գյուլերի լուսանկարների ցուցահանդեսը: Ցուցադրվեցին 130-ից ավելի լուսանկարներ, որոնք բոլորը Գյուլերը նվիրելու է Հայաստանին:

Մանրամասներն ու տեսանյութը` ավելի ուշ: