Եթե սերտաճածը պատրուսն է…Գագիկ Բեգլարյան

Այսօր ԱԺ-ում լրագրողները տրանսպորտի եւ կապի նախարար Գագիկ Բեգլարյանից հետաքրքրվեցին, թե ի՞նչ կարծիք ունի ընդդիմադիր գործիչների այն տեսակետի վերաբերյալ, որ օլիգարխներն ազդում են գործադիրի որոշումների վրա: ՀՀԿ-ական նախարարը նախ նշեց, որ իր համար դա ծիծաղելի է, հետո վստահեցրեց, որ նման երեւույթ ինքն անձամբ չի նկատել: «Ու ընդհանրապես` օլիգարխն իրենից ի՞նչ է ներկայացնում: Օլիգարխն ինքը պետք է իշխանության հետ լավ լինի, որ գոյատեւի: Բացի լավ լինելուց, մի հատ էլ ճնշի՞։ Յուրաքանչյուր օլիգարխ փորձում է լավ լինել իշխանության հետ, ամբողջ աշխարհում է այդպես»,- հայտարարեց Բեգլարյանը:

Լրագրողների դիտարկմանը, որ Հայաստանում օլիգարխը նույն իշխանությունն է կամ գոնե սերտաճած է, նախարարը հակադարձեց. «Գեղեցիկ բառերի հետեւից եք ընկել` սերտաճած, էսիմ ինչ... Կոնկրետ փաստերով խոսեք: Եթե սերտաճածը պատրուսն է... Ընդհանրապես, բնության մեջ պատրուս անելը լավ բան չէ, պատրուսից լավ բերք չես ստանում»:

ՀՀԿ-ական նախարարն իրեն օլիգարխ չի համարում: «Օլիգարխը դուք եք»,- դիմելով լրագրողներին կատակեց նա: